Rusiyanın iqtisadi inkişaf naziri Bakıya gələcək

Bu barədə anews.az Rusiya mətbuatına istinadən xəbər verir.

Məlumata görə, nazir bildirib ki, iki ölkə arasında ticarət-iqtisadi münasibətləri sürətlə inkişaf edir:

"Hazırda ölkələr arasında əlaqələrin inkişafını sürətləndirəcək xüsusi qrup yaratmışıq. Azərbaycanla qarşılıqlı münasibətlər çox önəmlidir. Aprel ayında Bakıya yenidən səfər etməyi planlaşdırıram. Rusiya və Azərbaycanın gündəmində bir çox mühüm layihələr var. Hələki onlar barəsində danışmayacağıq.

Mənim Bakıya səfərimi gözləyək. Həmin səfərdə Azərbaycanın hökumət nümayəndələri ilə rəsmi danışıqlar aparılacaq. Ümid edirəm ki, bizim daha çox birgə layihələrimiz yaranacaq."

Qeyd edək ki, ötən il yanvarın sonunda M.Oreşkinin başçılıq etdiyi Rusiya nümayəndə heyəti Bakıda işgüzar səfərdə olub.

Səfər çərçivəsində Rusiya-Azərbaycan və Azərbaycan-Rusiya biznes məsləhətləşmələrinin genişləndirilmiş iclası və Azərbaycanda Rusiyanın İxrac Mərkəzinin nümayəndəliyinin açılışı olub.

Biznes məsləhətləşmələrindən sonra Rusiya və Azərbaycan şirkətləri arasında etimad memorandumları imzalanıb.