Norveç parlamenti qarşısında “Böyük qayıdış” aksiyası təşkil edilib
06.11.2021 21:31
Norveçin paytaxtı Oslo şəhərində ölkə parlamenti binasının – Stortingetin qarşısında 8 Noyabr – Zəfər Günü münasibətilə "Böyük qayıdış” adlı aksiya keçirilib.
Tədbirdə "CAN” diaspor təşkilatının sədri Şervin Nəcəfpur və Gənc Politoloqlar Mərkəzinin rəhbəri İlkin Əliyev çıxış ediblər. Onlar Ermənistanın xalqımıza qarşı qəsbkar, təcavüzkar və etnik təmizləmə siyasətinin tarixi, Qarabağ bölgəsindəki şəhər və kəndlərin dağıdıldığı, yüz milyonlarla dollar dəyərində mina və partlayıcı sursatların yerləşdirildiyi, baş verənlərə dünya birliyinin göz yumduğu, bu ədalətsizliyə rəğmən ölkəmizin multikultural dəyərlərə sadiq qaldığı, Azərbaycan dövlətinin təkbaşına BMT-nin qətnamələrini icra edərək, ərazi bütövlüyümüzü bərpa etdiyi barədə ətraflı məlumat veriblər.
Aksiyada Norveç hökumətinə azərbaycanlılara qarşı baş verən soyqırımına, etnik təmizləməyə, şəhər və kəndlərin dağıdılması kimi qeyri-insani addımlara düzgün siyasi qiymət verməyə çağırış səslənib.
www.anews.az
Bu barədə Diasporla İş üzrə Dövlət Komitəsindən məlumat verilib.
Azərbaycan Diasporuna Dəstək Fondunun dəstəyi və Norveçdə fəaliyyət göstərən "CAN” diaspor təşkilatının təşəbbüsü ilə baş tutan aksiyaya Azərbaycan və Türkiyə icmalarının üzvləri, Türkiyənin Norveçdəki səfirliyinin əməkdaşları qatılıblar.
Əllərində Azərbaycan və Türkiyə bayraqlarını tutan aksiya iştirakçıları şəhidlərimizin şəkillərini, "Həlak olmuş qəhrəmanlarımızın əziz xatirəsinə”, "Şəhidlər ölməz, Vətən bölünməz!”, "Qarabağ Azərbaycandır!”, "Qarabağa böyük qayıdış” şüarlarını əks etdirən posterləri nümayiş etdiriblər.
Qeyd edilib ki, Qarabağ işğaldan azad olunandan sonra yeni inkişaf dövrünə qədəm qoyub, 8 ay ərzində inşa edilən Füzuli Beynəlxalq Hava Limanı istifadəyə verilib, Azərbaycanın mədəniyyət paytaxtı Şuşa şəhərində Beynəlxalq "Xarı bülbül” Festivalı, Vaqif Poeziya Günləri keçirilib.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
