“Qafqazın Xirosiması” Ağdam yenidən qurulur - Türkiyə mətbuatı

Ağdamda yol, elektrik kimi infrastruktur layihələrini başa çatdıran Azərbaycan hökuməti 2026-cı ilin sonuna kimi 10 min Ağdam sakinini şəhərə qaytarmağı, sonrakı illərdə isə bu rəqəmi 100 minə çatdırmağı hədəfləyir. Hədəfə çatmaq üçün şəhərin müxtəlif yerlərində yeni məhəllələr salınır, binalar ucalır. 

 

İşğaldan əvvəl rayonun sənaye mərkəzi olan şəhərin də eyni istiqamətdə inkişaf etdirilməsi nəzərdə tutulur. Şəhəri yenidən sənaye mərkəzinə çevirmək üçün Ağdam Sənaye Parkı yaradılır. Şəhərdəki tarixi məscid və Qarabağ xanı Pənahəli xanın məqbərəsinin də daxil olduğu İmaret Kompleksi də bərpa olunur.

 

 

Bütün binaların "ağıllı şəhər” konsepsiyası ilə tikilməsi nəzərdə tutulan şəhərdə "Qarabağ” Futbol Komandasının oyunlarını keçirəcəyi stadion da tikiləcək.

 

Planlamaya əsasən, bir neçə ildən sonra əsl sakinlərinin qayıtması ilə həyatın yenidən canlanacağı Ağdam beynəlxalq futbol yarışlarının keçirildiyi şəhərə çevriləcək.

Ağdamda yaradılması planlaşdırılan Qarabağ Universiteti ilə şəhərin həm də təhsil mərkəzinə çevrilməsi nəzərdə tutulur.

 

Təxminən 2 min hektara yaxın ərazidə salınan yeni Ağdamın tikintisində Azərbaycanla yanaşı, ABŞ, Kanada, İsrail, Hollandiya və Türkiyə şirkətləri də iştirak edir.

 

Azərbaycan Prezidentinin Qarabağ İqtisadi Bölgəsi üzrə xüsusi nümayəndəsi Emin Hüseynov "Anadolu” agentliyinə (AA) bildirib ki, Ağdam "Qarabağın Xirosiması” adlandırılır. O,  " lakin ora 30 illik işğal dövründə ermənilər tərəfindən Xirosima kimi atom bombası atılmayıb, sistemli və məqsədli şəkildə məhv edilib" deyib.

 

Hüseynov ermənilərin Ağdamda yararlı tikili yer saxlamadığını və şəhərdə yeganə yarımbərk tikilinin məscid olduğunu, həmin məscidin hərbi ölçü üçün istifadə edildiyi üçün dağıdılmadığını bildirib.

 

 

İşğal başa çatdıqdan dərhal sonra Ağdamda yenidənqurma işlərinə başladıqlarını bildirən Hüseynov, "Biz ilk olaraq minaların təmizlənməsi ilə başladıq. Ağdam rayonunun 18 %-i minalardan təmizlənib. Bu, əslində kifayət qədər yaxşı rəqəmdir. Çünki Qarabağın iqtisadi zonalarının 8 %-i təmizlənib, yenidənqurma və dirçəliş işlərinə ən böyük maneə minalardır”, deyib.

 

Şəhər və ətraf ərazilərdə yol, elektrik xətləri kimi əsas infrastruktur layihələrinin yekunlaşmaq üzrə olduğunu qeyd edənHüseyinov, "İndi sosial infrastruktur layihələrinə başlayırıq. 2023-cü il Ağdam üçün kompleks quruculuq ili olacaq. Ermənilərin  buranı  30 illik müddətdən sonra tərk etdiyi gündən etibarən Azərbaycan dövləti və xalqı olaraq biz tezliklə bu torpaqlarda tam məskunlaşacağıq. Qarabağımızı yenidən quracağıq, dirçəldəcəyik. Qarabağımızı cənnətə çevirəcəyik", - o deyib.

 

 

Hüseyinov 2026-cı ilə qədər həm Ağdama, həm də ətraf kəndlərə vətəndaşların qayıtmasını təmin edəcəklərini və bu məqsədə çatmaq üçün əllərindən gələni  etməyə hazır olduqlarını vurğulayıb.