Xersonda ölənlərin sayı yenə artdı

Rusiyanın Xersonun mərkəzini bombalaması nəticəsində ölənlərin sayı 16-ya, yaralıların sayı isə 59 nəfərə çatıb.
 
Bu barədə Ukrayna mətbuatı məlumat yayıb.
 
Xəsarət alanlardan 18 nəfərin vəziyyəti ağırdır.
 
Ukrayna prezidentinin aparat rəhbərinin müavini Kirilo Timoşenko Telegram-da yazıb ki, Rusiya səhər saatlarında Xersonun mərkəzini bombalamaq üçün "qradlardan” istifadə edib.
 
Ukraynanın xarici işlər naziri Dmitri Kuleba bu gün Xersonun rus qoşunları tərəfindən atəşə tutulmasına cavab olaraq Ukraynanın Qərb tərəfdaşlarını və müttəfiqlərini Ukraynanı daha fəal dəstəkləməyə çağırıb.

www.anews.az