Azərbaycanla Ermənistan münasibətləri normallaşmalıdır -Əliyev

Azərbaycanla Ermənistan arasında sülh sazişi üzərində iş bizim istədiyimiz kimi rəvan getmir, lakin alternativ də yoxdur. Bunu bazar ertəsi Azərbaycan prezidenti İlham Əliyev Astanada qazaxıstanlı həmkarı Kasım-Jomart Tokayevlə danışıqlardan sonra mətbuata açıqlamasında deyib.

"Mən həmkarıma  normallaşma üzrə danışıqlar prosesinin hazırkı vəziyyəti barədə məlumat verdim. Biz normallaşmaya sadiqik və ikinci Qarabağ müharibəsinin sonunda Azərbaycan tərəfi münaqişənin həlli istiqamətində işə başlamağı təklif etdi. Sülh müqaviləsi, praktiki olaraq artıq başlayıb, lakin o, bizim istədiyimiz kimi rəvan getmir. Amma bunun alternativi yoxdur”, - Əliyev bildirib.

Azərbaycan liderinin fikrincə, "30 illik işğalın ən ağır tarixinə və Azərbaycan xalqının çəkdiyi iztirablara baxmayaraq" qonşular arasında münasibətlər normal olmalıdır. "Buna baxmayaraq, biz gələcəyə baxırıq və inanırıq ki, suverenlik, ərazi bütövlüyü, sərhədlərin toxunulmazlığı, BMT Nizamnaməsi, beynəlxalq hüququn bütün fundamental norma və prinsipləri əsasında sülh müqaviləsi əldə etmək imkanı var”, - prezident vurğulayıb.


www.anews.az