Prezident "YAŞAT" Fonduna 5 milyon manat ayırdı - SƏRƏNCAM

Sərəncama görə 2023-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fonduna ("YAŞAT” Fondu) 5,0 (beş) milyon manat vəsait ayrılması nəzərdə tutulub. 

 

Aprelin 11-də Milli Məclisin plenar iclasında deputat Razi Nurullayev bildirib ki, "Yaşat” Fondunda vəsaitin az olması səbəbindən müraciət edən qazi və şəhid ailələrinə imtinalar edilir. 

 

Deputat Qənirə Paşayeva da təklif edib ki, deputatlar bu ay əmək haqqlarının yarısını "YAŞAT" Fonduna köçürsünlər.
 
Milli Məclisin sədr müavini Əli Hüseynli bildirib ki, "YAŞAT" FOnduna davamlı dövlət qurumları tərəfindən maliyyə dəstəyi göstərilir. Əgər belə bir problem varsa bunu araşdırmaq lazımdır. 
 
"YAŞAT" Fondu 2020-ci il prezidentin fərmanı ilə yaradılıb. Fondun yaradılmasında məqsəd Azərbaycanın ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək olmaqdır. 

 

Gülnar Nazimqızı