Oktyabrın 12-də Rusiya Azərbaycan və Ermənistanın xarici işlər nazirləri görüşə bilər

"Rusiya, Azərbaycan və Ermənistan arasında Ermənistan-Azərbaycan münaqişəsinin həlli məsələlərinin bütün spektri üzrə dialoq heç vaxt kəsilməyib. Ümid edirik ki, bu cür təmaslar davam edəcək. Biz belə görüşlərin keçirilməsi imkanlarını nəzərdən keçiririk. Bu il oktyabrın 12-də Bişkekdə MDB sammitinin tədbirləri çərçivəsində xarici işlər nazirləri səviyyəsində müzakirələr aparıla bilər. Azərbaycan tərəfi artıq prinsipial razılıq verib. Biz gözləyirik ki, Ermənistan tərəfi də bu məsələyə məsuliyyətlə yanaşacaq və belə danışıqlarda iştirak etməyə razı olacaq", - o bildirib. 

 

Azərbaycan Rusiya və Ermənistan xarici işlər nazirlərinin sonuncu üçtərəfli görüşü iyulun 25-də keçirilib. Görüşdə Azərbaycan və Ermənistan arasında sülh müqaviləsinin imzalanması istiqamətində danışıqlar aparılıb. 

 

Azərbaycanla Ermənistan arasında hərbi əməliyyatlar 2020-ci ilin noyabrında üçtərəfli bəyanata əsasən dayandırılıb. Bundan sonra Azərbaycan və Ermənistanın rəhbər şəxsləri sülh imzalanması istiqamətində bir neçə görüşlər həyata keçirib. 
 
Oktyabrın 5-də Azərbaycan Prezidenti İlham Əliyev oktyabrın 5-də Qranadada Ermənistan, Fransa, Almaniya liderlərinin və Avropa İttifaqı Şurasının rəhbərinin iştirakı ilə keçiriləcək görüşdə iştirakdan imtina edib.
 
Sonuncu dəfə Azərbaycan tərəfi Ermənistana sülh sənədinin verilməsini təsdiq edib.  
 
Bundan əvvəl Ermənistanın baş naziri Nikol Paşinyan sonuncu dəfə "France-Press"ə müsahibəsində vurğulayıb ki, sülh müqaviləsi imzalanmayana və bu müqavilə hər iki ölkənin parlamentləri tərəfindən ratifikasiya olunmayana qədər müharibə ehtimalı çox yüksəkdir.

Azərbaycan prezidenti İlham Əliyev isə Şuşada keçirilən sonuncu Qlobal Media Forumda söyləyib ki, bu ilin sonuna kimi Ermənistanla sülh müqaviləsinin imzalanmasını real hesab edir.

 

Sosial Tədqiqatlar Mərkəzinin keçirdiyi rəy sorğunun nəticələrinə görə, respondetlərin 72,4% Azərbaycanla Ermənistan arasında sülh müqaviləsinin sürətlənəcəyinə inandığını deyib. 
 
Gülnar Nazimqızı