Fransa Azərbaycana cavab olaraq 2 səfiri arzuolunmaz şəxs elan edib

Fransada Azərbaycan səfirliyinin 2 diplomatı arzuolunmaz şəxs elan olunub. Bu barədə Fransa səfirliyi məlumat yayıb.

"Fransa Azərbaycanın Fransanın Azərbaycandakı səfirliyinin diplomatik heyətindən iki əməkdaşının persona non qrata elan edilməsi ilə bağlı qərarını nəzərə alır. Azərbaycanın bu qərarını əsaslandırdığı iddiaları qətiyyətlə rədd edir. Fransa cavab tədbiri olaraq Azərbaycanın iki əməkdaşını elan edib”, - Xarici İşlər Nazirliyinin bəyanatında deyilir.

Azərbaycanın Fransadakı səfiri Leyla Abdullayeva Quai d'Orsay-a çağırılıb. Bu qərarla bağlı ona xəbərdarlıq edilib.

Dekabrın 26-da Fransanın Azərbaycandakı səfiri Ann Buayon Xarici İşlər Nazirliyinə (XİN) çağırılıb, səfirliyin iki əməkdaşı "persona-non-grata” elan edilib. 

Dekabrın 26-da Milli Məclisin plenar iclasında bir neçə deputat Fransada Natavanın heykəlinin sökülməsinə qarşı çıxaraq bunu Azərbaycan mədəniyyətinə qarşı hörmətsizlik adlandırıb. 

 

Deputat Tahir Kərimli təklif edib ki, Fransa rəsmi qaydada qeyri-dost ölkə elan edilsin. 

 

Dekabrın 21-də Azərbaycanda Fransanın cəsus şəbəkəsi ifşa olunub. 

 

Noyabrın 21-də Azərbaycan Prezidenti Bakıda keçirilən beynəlxalq konfransada bildirib ki, Fransa Qafqazda yeni müharibənin başlaması üçün şərait yaradır.
 
Əliyevin sözlərinə görə, Fransa da BMT Təhlükəsizlik Şurasındakı mövqeyindən müxtəlif regionlarda "geosiyasi intriqalar” üçün istifadə edir və Qərb təşkilatlarından Paris digər ölkələrə təzyiq göstərmək üçün istifadə edir.
 
Gülnar Nazimqızı