Respublikaçılar Trampın debatlarda çıxışından narazı qalıb

90 dəqiqədən çox davam edən debat zamanı Harris bir neçə dəfə Trampı narahat edən  mövzulara toxunub. Bura respublikaçıların mitinqlərində izdihamın az olması, Trampış şəxsi sərvəti və dünya liderlərinin "ona gülməsi” kimi məsələlər daxil idi. Harris bu kimi məsələlərə toxunarkən dəfələrlə Trampın sözünü kəsə bilib.  Bu taktika  ilə Harris Trampı özündən çıxarmağa çalışıb  və bəzi respublikaçıların fikrincə, buna nail olub. 

"Mən sadəcə kədərlənirəm. Harris onu əzmək üçün hara vurmaq lazım olduğunu yaxşı bilirdi.  Onun ilk debatdan fərli olaraq daha az təmkinli olması ümumiyyətlə məyusedicidir. Yol bir az da daraldı və bu yaxşı hal deyil”, – Trampı dəstəkləyən Nümayəndələr Palatasında respublikaçılardan biri deyib.

Nümayəndələr Palatasının adının açıqlanmasını istəməyən ikinci bir respublikaçı nümayəndəsi, partiyada "çoxunun" Trampın bütün müzakirələr boyu öz mövqeyini yetərincə qabarda bilməməsindən  məyus olduğunu söyləyib.  Onun sözlərinə görə, Harris Trampı "təhrik etmək” vəzifəsinin öhdəsindən uğurla gəlib.

"Hələ çox qaçırılmış imkanlar var. Bu fəlakətli deyil, amma yaxşı da deyil”,  - üçüncü respublikaçı bildirib.

Nümayəndələr Palatasının başqa bir respublikaç üzvü  ABC News və Harrisiı tənqid atəşinə tutaraq, moderatorları Demokrat namizədin ifadələrinin doğruluğunu yoxlamadıqlarını və diqqəti yalnız Trampa yönəltdiklərini tənqid edib.  Lakin deputat Trampın "imkandan istifadə edə bilməməsindən”  kədərləndiyini də vurğulayıb.

Bu arada Nümayəndələr Palatasının Demokratlardan olan üzvləri  müsbət nəticə əldə etdiyi üçün Harrisi tərifləyib. 

Çərşənbə axşamı keçirilən debat  2024-cü ilin seçki  kampaniyasının əsas  hadislərindən biri idi.  Trump və Harris ilk dəfə şəxsən görüşüblər  və bu, iki namizəd arasında ilk birbaşa "şifahi döyüş" olub. 

 

Harrisin debat zamanı rəqibini əsəbləşdirmək cəhdləri  debatların diqqət çəkən məqamlardan biri olub. Tramp isə öz növbəsində güclü performans göstərdiyini bildirib.