Rəsmi Bakı Hollandiyanın “Qarabağın zəbt edilməsi” ilə bağlı bəyanatına cavab verib

"Təəssüf ki, Hollandiya tərəfi bir daha Azərbaycana və münaqişədən sonrakı dövrdə regionda mövcud vəziyyətə qərəzli münasibət nümayiş etdirir. Əvvəla, bu ölkənin Azərbaycanın işğal olunan ərazilərinin azad olunmasını "Dağlıq Qarabağın işğalı” kimi qeyd etməsi qəbuledilməzdir. Qarabağ bölgəsi həmişə ölkəmizin ayrılmaz hissəsi olub və 30 ilə yaxın Ermənistanın qanunsuz işğalı altında olub",  -  Hacızadə bildirib. 

O həmçinin,  Hollandiyanın Ermənistanın bu qanunsuz hərəkətlərinə göz yummasına təəssüf etdiyini deyib.

 

"Azərbaycanın bu ərazilərin işğaldan azad edilməsi ilə bağlı tədbirləri beynəlxalq hüququn norma və prinsiplərinə, o cümlədən ölkəmizin suveren hüququna əsaslanır ki, bu da bu və ya digər şəkildə yanlış qiymətləndirilə bilər. Eyni zamanda, Azərbaycanın Qarabağ bölgəsinin qondarma "Dağlıq Qarabağ” şəklində yanlış adının verilməsini qəti şəkildə rədd edirik. Bu, Ermənistanın Azərbaycana qarşı ərazi iddialarının daha bir bariz təzahürüdür",  - Hacızadə deyib. 

O vurğulayıb ki, , Azərbaycanda "Dağlıq Qarabağ” adlanan heç bir inzibati və ya coğrafi vahid yoxdur və hər bir dövlət, o cümlədən təşkilat Azərbaycanın beynəlxalq səviyyədə tanınmış ərazilərində Azərbaycan Respublikasının müvafiq orqanları tərəfindən standartlaşdırılan və müvafiq qanun çərçivəsində qəbul edilən coğrafi adlara istinad etməməlidir. 

"Biz Hollandiya tərəfini Azərbaycan və Niderland arasında ikitərəfli münasibətlərə daha da xələl gətirən və beynəlxalq hüququn norma və prinsiplərinə hörmət əsasında regionun gələcək inkişafına mane olan bu kimi bəyanatlara son qoymağa çağırırıq”, -  Azərbaycan XİN sözçüsü bildirilib.