Beynəlxalq Ədalət Məhkəməsi Ermənistanın etirazlarını rədd edib

Beynəlxalq Ədalət Məhkəməsi Azərbaycanın beynəlxalq səviyyədə tanınmış ərazilərinin onilliklər boyu işğalı zamanı Ermənistana qarşı etnik təmizləmə və digər irqi ayrı-seçkilik aktlarına görə qaldırılmış işin davam etdiriləcəyini təsdiqləyib.Bu barədə xarici işlər nazirinin müavini Elnur Məmmədov "X" hesabında paylaşım edib.

Onun sözlərinə görə, beynəlxalq məhkəmə Ermənistan tərəfindən qaldırılmış etirazlara baxmayaraq, Azərbaycanın Ermənistana qarşı iddiasına, o cümlədən, minalarla bağlı faktlara mahiyyəti üzrə baxmağa qərar verib.

Məhkəmə, həmçinin Ermənistanın mina yerləşdirilməsi praktikası ilə bağlı iddiaları məhkəmənin yurisdiksiyasından çıxarmaq cəhdini də rədd edib.