Ermənistanın yaydığı məlumat dezinformasiya məqsədi daşıyır- MN

Azərbaycan Ordusunun bölmələri tərəfindən guya Xanazax yaşayış məntəqəsi istiqamətində atəş açılması və nəticədə mədəniyyət mərkəzinə zərər yetirilməsi barədə Ermənistanın yaydığı məlumatın real əsası yoxdur, yalandır və tamamilə dezinformasiya məqsədi daşıyır. Bu barədə anews.az-a Müdafiə nairiyindən bildirilib.

Bir gün əvvəl Ermənistan Müdafiə Naziriyi məlumat yayaraq Azərbaycan ordusunun Xanazax yaşayış məntəqəsini atəşə tutduğunu açıqlayıb və bildirib ki, yaşayış binasına ziyan dəyib. 

"Bölmələrimiz tərəfindən qeyd olunan istiqamətdə heç bir atəş açılmayıb. Azərbaycan Ordusunun bölmələri heç vaxt mülki əhaliyə və obyektlərə atəş açmır. Azərbaycan Ordusu tərəfindən yalnız mövqelər atəşə tutan Ermənistan silahlı qüvvələrinin təxribatlarına qarşı adekvat cavab tədbirləri görür", - məlumatda deyilir.