İki ölkə müraciət edəcəyi təqdirdə ATƏT minaların təmizlənməsinə yardım edə bilər

Azərbaycan və Ermənistan müraciət edəcəyi təqdirdə ATƏT minaların təmizlənməsi məsələsində töhvə verməyə hazırdır. Bunu ATƏT-in baş katibi Feridun Sinirlioğlu Azərbaycanın xarici işlər naziri ilə birgə keçirilən mətbuat konfrasında çıxışında bildirib.

"Minaların təmizlənməsi vacib məsələdir. Bu barədə bizim təcrübəmiz var. Biz burada minaların təmizlənməsinə töhvə verməyə hazırıq. Əgər hər iki tərəf bunu istəsə bu dəstəyi göstərməyə hazırıq. ATƏT bir təşkilatdır və ona üzv olan ölkələrə xidmət göstərir", - bildirib. 

Xarici İşlər naziri Ceyhun Bayramov da vurğulayıb ki, ATƏT sədrinə Qarabağda 1 milyondan çox minaların basdırılması diqqətə çatdırılıb. 

"ATƏT sədri ilə mina çirklənməsi mövzusunu müzakirə etdik. Ermənistan Qarabağda 1 milyondan çox mina basıdırıb. Müvafiq qurumlar və bəzi beynəxalq təşkilatlar bu işdə dəstək göstərir. Bu prosesi gələcək illərdə də davam edəcəyik", - nazir əlavə edib. 

İkinci Qarabağ Müharibəsindən sonra 400 nəfər mina qurbanı olub. Onların 70 nəfəri həlak olub. 

Gülnar Nazimqızı