ABŞ, İranın raket məsafəsində yerləşən səfirliklərinə xəbərdarlıq edib — KİV

ABŞ Dövlət Departamenti İranın raket məsafəsində yerləşən səfirliklərə təhlükə barədə xəbərdarlıq edib. Xəbərdarlıq Yaxın Şərq, Şərqi Avropa və Şimali Afrikadakı diplomatik nümayəndəlikləri əhatə edir.

Səfirliklərə fövqəladə hallar üzrə komitələri yaratmaq və təhlükələrin azaldılması üçün görülən tədbirlər barədə Vaşinqtona hesabat vermək tövsiyə olunub.

Vaşinqton mümkün İsrail-İran toqquşması fonunda yüksək hazırlıq vəziyyətindədir.

Al Hadath bildirir ki, ABŞ-ın Bağdaddakı səfirliyindən 1 000-ə qədər podratçı işçi geri qaytarıla bilər.

Associated Press və Reuters isə Dövlət Departamentinin Bəhreyn və Küveytdəki səfirliklərdən yardımçı heyətin təxliyyəsini nəzərdən keçirdiyini yazır.

İranın müdafiə naziri daha əvvəl bildirib ki, əgər nüvə danışıqları uğursuz olarsa, Tehran regionda ABŞ bazalarına zərbə endirəcək.

N.Tebrizli