Azərbaycan həm Rusiya, həm də Ukrayna ilə münasibətlərə önəm verir - Hacıyev

Azərbaycan Rusiya-Ukrayna müharibəsində hərbi tərəf tutmur və yalnız humanitar yardım göstərir.Bunu Prezidentin köməkçisi Hikmət Hacıyev bildirib.

“Rusiya da, Ukrayna da bizim qonşularımızdır. Azərbaycan bütün qonşularla dost münasibətlərin tərəfdarıdır,” –  o, Slovakiyanın Hospodárske noviny nəşrinə müsahibəsində bildirib.

Hacıyev qeyd edib ki, Bakı Ukraynanın ərazi bütövlüyünü dəstəkləyir, çünki bu prinsipə hörmət Azərbaycanın xarici siyasətində əsas dəyərdir.

“Biz münaqişəyə hərbi müdaxilədən uzaq dayanırıq. Sadəcə humanitar yardım göstəririk — əsasən uşaqlara və zəruri avadanlıqlarla,” –  o vurğulayıb.

N.Təbrizli