Azərbaycanda ədliyyə orqanları üçün xüsusi xəzinə hesabı yaradılır

Azərbaycan Prezidenti İlham Əliyev icra və ədliyyə sahəsində qanunvericiliyə dəyişiklikləri təsdiqləyib. 

Qanunlara edilən dəyişikliklərə əsasən, ədliyyə orqanlarında xidmət göstərən icra və probasiya əməkdaşlarının sosial müdafiəsi və həvəsləndirilməsi məqsədilə xüsusi xəzinə hesabı yaradılacaq. Hesabın vəsaitləri icra məmurlarının fəaliyyətinin maliyyələşdirilməsi üçün istifadə olunacaq.

Yeniliyə əsasən, vəsaitlər “İcra məmurları haqqında”, “İcra haqqında” və “Ədliyyə orqanlarında qulluq keçmə haqqında” qanunlara uyğun şəkildə yönəldiləcək.

Qeyd olunur ki, indiyədək müvafiq ödənişlər icra xidmətinin nəzdindəki xüsusi fond vasitəsilə həyata keçirilirdi.