Yaşıl keçid və qaz ixracı paralel aparılmalıdır - Prezident

Azərbaycan artıq Avropaya ixrac olunan təbii qazın həcmini əhəmiyyətli dərəcədə artırıb. Bunu Azərbaycan Prezidenti İlham Əliyev III Şuşa Qlobal Media Forumunda çıxışında deyib.

“2021-ci ildə 8 milyard kubmetr qaz ixrac etmişiksə, bu gün bu rəqəm 13 milyarda çatıb. Bu isə bizim ümumi qaz ixracımızın yarısıdır,” – Əliyev bildirib.

Bununla belə, prezident, Avropa maliyyə institutlarına çağırış edib.

“Əgər Avropa İttifaqı əlavə qaz həcmi və ya yaşıl enerji təchizatını artırmaq istəyirsə, o zaman layihələrin maliyyələşdirilməsində çevik yanaşma vacibdir. İnfrastruktur olmadan əlavə tədarük mümkün deyil. Azərbaycan həm yaşıl enerji, həm də təbii qazla Avropanın etibarlı enerji tərəfdaşı olmaqda davam edəcək. Amma biz bu işi tək başına görə bilmərik. Biz komanda yanaşması təklif edirik,” –  Prezident Əliyev yekunlaşdırıb.

N.Təbrizli