Strateji tərəfdaşlıq xartiyası bir neçə aya hazır olacaq - Prezident

Bakı ilə Vaşinqton arasında strateji tərəfdaşlıq xartiyası bir neçə ay ərzində hazırlanacaq. Bunu Azərbaycan Prezidenti İlham Əliyev bildirib.

“Bu, Azərbaycan üçün tarixi nailiyyətdir,” — Əliyev ABŞ və Ermənistan liderləri ilə birgə bəyanatla çıxışında deyib.

O vurğulayıb ki, dünyanın ən böyük ölkəsi ilə strateji tərəfdaşlıq formatında əməkdaşlıq həm böyük imkan, həm də ciddi məsuliyyətdir.

Əliyevin sözlərinə görə, tərəfdaşlıq qarşılıqlı sərmayələr, ticarət, enerji, rabitə, tranzit, süni intellekt, müdafiə təyinatlı məhsulların satışı və terrorizmlə mübarizə sahələrini əhatə edir. Prezident əlavə edib ki, bu sahələrdə artıq əməkdaşlıq mövcuddur və gələcəkdə daha fəal şəkildə davam edəcək.