Tramp Rusiya-Ukrayna müharibəsinin başa çatacağının anonsunu verdi

 Ukrayna müharibəsinin həlli üzrə mümkün sülh planı ərazilərin bir hissəsinin Kiyevə qaytarılmasını və Rusiya ilə torpaqların qarşılıqlı mübadiləsini nəzərdə tutur. Bunu ABŞ Prezidenti Donald Tramp bildirib.

Trampın sözlərinə görə, bu, hər iki tərəfə fayda verə biləcək mürəkkəb prosesdir.

Müsahibəsində o vurğulayıb ki, Birləşmiş Ştatlar qarşılıqlı ərazi güzəştlərini ehtiva edən razılaşma variantını nəzərdən keçirir. Plan çərçivəsində Ukrayna öz nəzarətindəki bəzi əraziləri Rusiyaya verə, Moskva isə hazırda işğal altında saxladığı müəyyən rayonları Kiyevə qaytara bilər.

“Üç il yarım ərzində döyüşən ərazilərdə çoxlu rus və ukraynalı həlak olub. Ona görə biz bəzi ərazilərin qaytarılması və mübadiləsi imkanına baxırıq. Bu, sadə deyil, çox mürəkkəbdir, amma hər iki tərəfin xeyrinə ola bilər”, – Tramp deyib.

ABŞ lideri yekun qərarın yalnız tərəflər arasında aparılacaq danışıqlardan və həm Kiyevin, həm də Moskvanın siyasi iradəsindən asılı olacağını əlavə edib. Onun açıqlamaları artıq ABŞ, Avropa və Ukraynada geniş müzakirələrə səbəb olub.

Gülnar