Çin lideri Azərbaycanın ŞƏT-ə üzvlüyünü dəstəkləyir

Çin Prezidenti Si Cinpin Pekində keçirilən görüş zamanı Azərbaycanın Şanxay Əməkdaşlıq Təşkilatına (ŞƏT) üzv olmaq səylərini dəstəklədiyini bildirib.

Çin Xarici İşlər Nazirliyinin məlumatına görə, Si bu bəyanatı avqustun sonunda Azərbaycan Prezidenti İlham Əliyevlə görüşü zamanı səsləndirib.

"Çin Azərbaycanın ŞƏT-ə üzvlüyünü dəstəkləyir, çoxtərəfli formatda əməkdaşlığı genişləndirməyə və ortaq taleyə malik cəmiyyətin qurulmasına töhfə verməyə hazırdır", – deyə Çin lideri qeyd edib.

O, həmçinin Çin ilə Azərbaycan arasında ikitərəfli əməkdaşlığın davamlı inkişafını dəstəklədiklərini və bu istiqamətdə işi davam etdirmək niyyətində olduqlarını vurğulayıb.

Azərbaycan hazırda təşkilatda dialoq tərəfdaşı statusuna malikdir və müşahidəçi ölkə statusu almaq üçün rəsmi müraciət edib.