Azərbaycanın Tailanddakı səfirliyinin açılış mərasimi keçirilib

Azərbaycanın Tailanddakı səfirliyinin Banqkok şəhərində rəsmi açılış mərasimi keçirilib.Bu barədə Azərbaycan Xarici İşlər Nazirliyi məlumat yayıb.

Açılış mərasimində xarici işlər nazirinin müavini Elnur Məmmədov iştirak edib. Nazir müavini yeni səfirliyin binası qarşısında Azərbaycanın dövlət bayrağını ucaldıb.

Sonra Məmmədov və Tailandın xarici işlər nazirinin müavini Vijavat İsarabhakdi səfirliyin rəsmi açılışını simvolizə edən lenti kəsiblər.

Tədbirdən sonra çoxsaylı rəsmi qonaqların iştirakı ilə ziyafət təşkil olunub.