Azərbaycan 7 milyardlıq təşəbbüsdə iştirak etməyi planlaşdırmır - Prezidentin köməkçisi

Azərbaycan təsisçi üzv dövlət kimi Sülh Şurasının məqsəd və vəzifələrini dəstəkləyir.Bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “X” hesabında paylaşım edib.

Hacıyev qeyd edib ki, Bakı gələcəkdə Sülh Şurası vasitəsilə Qəzzada investisiya layihələrində iştirak etməyi nəzərdən keçirə bilər. Lakin o, bu gün səsləndirilən 7 milyard dollarlıq maliyyə paketində Azərbaycanın iştirak etmədiyini vurğulayıb.

İclas zamanı ABŞ Prezidenti Donald Tramp bir neçə ölkənin Qəzza zolağına 7 milyard dollarlıq yardım paketi ayırdığını açıqlayıb. Bu siyahıda Azərbaycanın da adını çəkib.