Ceyhun Bayramovla Abbas Əraqçi ikitərəfli məsələləri müzakirə ediblər

Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Seyid Abbas Əraqçi arasında telefon danışığı baş tutub.Bu barədə "Khabar Fouri" məlumat yayıb.

Diplomatlar bölgədəki son hadisələri və ikitərəfli münasibətləri müzakirə ediblər.

Əraqçi bildirib ki, ABŞ və İsrailin hücumları beynəlxalq hüquqa ziddir. Onun sözlərinə görə, İranın müdafiə tədbirləri yalnız təcavüzkar tərəflərə, eləcə də hücumlar üçün istifadə olunan baza və obyektlərə yönəlib.

Telefon danışığı zamanı bəzi ikitərəfli məsələlər də müzakirə olunub. Tərəflər mövcud şəraitdə mümkün anlaşılmazlıqların aradan qaldırılması üçün iki ölkə arasında sıx məsləhətləşmələrin davam etdirilməsinin vacibliyini vurğulayıblar.