Bakı şəhərinin azad edilməsinin 108-ci ildönümü qeyd olunur

Bu gün Bakının erməni-daşnak qüvvələrinin işğalından azad edilməsinin 108-ci ildönümüdür. Bu barədə Azərbaycan Xarici İşlər Nazirliyi “X” hesabında paylaşım edib.

Nazirlik bildirib ki, 108 il əvvəl Azərbaycan Korpusunun da tərkibində olduğu Qafqaz İslam Ordusunun Bakını azad etməsi Azərbaycanın dövlətçilik mübarizəsində mühüm dönüş nöqtəsi olub.

“Bu tarixi Qələbə Azərbaycan xalqının müstəqillik və dövlətçilik iradəsini, xalqımızla müttəfiqlərinin birliyini, şücaətini və fədakarlığını nümayiş etdirdi. Bu tarixi Qələbənin əldə olunması uğrunda canlarından keçən bütün qəhrəmanların əziz xatirəsini dərin ehtiram və minnətdarlıqla yad edirik”, - XİN qeyd edib.

Bakı döyüşləri 1918-ci ilin sentyabrında Qafqaz İslam Ordusu ilə Bakı Soveti və ona bağlı qüvvələr arasında baş verib. Sentyabrın 15-də şəhərin nəzarətə götürülməsi Azərbaycan Xalq Cümhuriyyətinin ilk aylarında dövlət hakimiyyətinin Bakıda möhkəmləndirilməsi baxımından mühüm hadisə hesab olunur.