Hikmət Hacıyev BƏƏ Prezidentinin müşaviri ilə görüşüb

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Əbu-Dabidə Birləşmiş Ərəb Əmirlikləri (BƏƏ) Prezidentinin diplomatik məsələlər üzrə müşaviri Ənvər Qarqaşla görüşüb.

Hikmət Hacıyev bu barədə "X" sosial şəbəkəsində paylaşım edib.

Onun sözlərinə görə, görüşdə Azərbaycan ilə BƏƏ arasında müxtəlif sahələrdə ikitərəfli münasibətlərin möhkəmləndirilməsi yolları və qarşılıqlı maraq doğuran məsələlər müzakirə olunub.

Tərəflər, həmçinin regionda baş verən son hadisələri nəzərdən keçirib və bu məsələlərlə bağlı fikir mübadiləsi aparıblar.