AzVision.az xəbər verir ki, bu barədə rusdilli "Neytral Türkmənistan” nəşri məlumat yayıb. Məlumata əsasən, prezidentin oğlu namizədliyini "Duşak” adlı 25-ci seçki dairəsindən irəli sürüb.

Ümumilikdə, seçki dairəsindən seçici siyahısına 30316 nəfərin adı daxil edilib. Deputat mandatı uğrunda Berdiməhəmmədovun oğlu ilə yanaşı Kaka rayonunda yerləşən 10 saylı orta məktəbinin təlim-tərbiyə üzrə direktorunun müavini Oğulceren Qurdov da mübarizə aparıb. 

Seçkilərdə Sərdar Berdiməhəmmədov 25700 seçicinin (91,42%), Oğulceren Qurdov isə 2412 seçicinin (8,85%) səsini toplayıb.

Qeyd edək ki, Sərdar Berdiməhəmmədov 1981-ci ildə anadan olub. O, S. Niyazov adına Türkmənistan Kənd Təsərrüfatı Universitetində təhsil alıb. İxtisasca mühəndis-texnoloqdur. 2008-2011-ci illərdə Rusiya XİN-in Diplomatik Akademiyasında beynəlxalq əlaqələr üzrə təhsil alıb. O, 2011-2013-cü illərdə Cenevrədə Siyasi Təhlükəsizlik Mərkəzində oxuyub, Avropa və beynəlxalq təhlükəsizlik üzrə mütəxəssis adını qazanıb. 

Xatırladaq ki, Türkmənistanda parlament seçkiləri martın 25-də keçirilib.