ANN.Az CNN Türk-ə istinadən xəbər verir ki, bu barədə Türkiyənin İraqdakı səfiri Faruk Kaymakçı məlumat verib. Səfirliyin saytından verilən açıqlamada bildirilib ki, oktyabrın 28-də Türkiyə və İraq arasında diplomatik, xidmət və xüsusi pasport vizası ləğv edilir.

Jurnalistlərin suallarını cavablandıran Faruk Kaymakçı qeyd edib ki, viza rejiminin ləğv olunması məsələsi üzərində 2014-cü ildən etibarən danışıqlar aparılır. Səfir bildirib ki, sözügedən ləğv yalnız diplomatik, xidməti və xüsusi vizalara şamil ediləcək. Ümumi viza rejimi isə əvvəlki qaydada davam edəcək.