Hökumət qanunsuz mənzillərlə bağlı heç bir təşəbbüs irəli sürmür

Hökumət qanunsuz mənzil tikintisi ilə bağlı hər hansı təşəbbüslə çıxış etmir. Bunu millət vəkili Qüdrət Həsənquliyev deyib.

"500 mindən çox qanunsuz mənzil tikilib. Hökumət bunu görür və tənzimləyə bilmir artıq. Ümumiyyətlə hökumət qanunsuz mənzil tikintisi ilə bağlı hər hansı təşəbbüslə çıxış etmir. Bu gün də proses davam edir. Bəzən məqsədyönlü, bəzən isə istəmədən belə hallar baş verir. Bakının keçmiş icra başçısı Hacıbala Abutalıbov harda gəldi bina tikintisinə icazə verib və nəticə göz qabağındadır, - deputat tikinti sektorunun subyektləri arasında vahid müqavilə formalarının tətbiqi və bu sahədə mübahisələrin mediasiya vasitəsi ilə həlli ilə bağlı tədbirində çıxışı zamanı deyib.

Millət vəkili mənzillərin satışının notariat qaydada olmasının da vacibliyini vurğulayıb və bildirib ki, notarial qayda olmadan mənzil satan şəxslər məsuliyyətə cəlb olunmalıdır,- deputat vurğulayıb.


www.anews.az