"Biz Cənubi Qafqazda sülhün əldə edilməsində maraqlıyıq və bu, Cənubi Qafqazın hər üç ölkəsinin marağındadır. Ona görə də biz sülh sazişi prosesinə vasitəçilik edirik. Düşünürəm ki, bugünkü İpək Yolu Forumu Gürcüstanın həm Azərbaycan, həm də Ermənistan üçün məqbul və dost məkan olduğunu nümayiş etdirir. Bu gün hər iki ölkənin - həm Ermənistanın həm də Azərbaycanın Baş naziri Tbilisidədir və onlar bu günkü forumun açılışında iştirak edəcəklər. Düşünürəm ki, bu proses sülh sazişinin imzalanması ilə yekunlaşacaq ki, bu da regionumuza uzunmüddətli sülh gətirəcək”,  - o bildirib. 

 

Oktyabrın 8-də Azərbaycan Prezidenti İlham Əliyev Tbilisidə həmkarı ilə görüşdən sonra mediaya etdiyi bəyanatında bildirib ki, Azərbaycan-Ermənistan danışıqları Gürcüstanda baş tuta bilər. 

 

Oktyabrın 25-də Avropa İttifaqının rəsmisi Tovio Klaar  aıqlayıb ki, oktyabrın sonunda Brüsseldə Ermənistan və Azərbaycan liderlərinin planlaşdırılan görüşü təxirə düşüb.

 

Oktyabrın 10-da Prezident İlham Əliyev Şuşada keçirilən İqtisadi Əməkdaşlıq Təşkilatının Nazirlər Şurasının 27-ci iclasının iştirakçılarına ünvanladığı müraciətdə bildirib ki, Ermənistanın Azərbaycanla sülh müqaviləsi bağlaması üçün tarixi şərait yaranıb. 
 
Ermənistanın baş naziri Nikol Paşinyan Brüsseldə Azərbaycan Prezidenti İlham Əliyevlə görüşməsi üçün razılığı olduğunu qeyd edib. 
 
Bundan əvvəl Rusiya prezidenti Putin də açıqlamasında bildirib ki, Moskva iki ölkənin sülh müqaviləsinin imzalanması üçün dəsətək göstərməyə hazırdır. 
 
Azərbaycanla Ermənistan arasında hərbi əməliyyatlar 2020-ci ilin noyabrında üçtərəfli bəyanata əsasən dayandırılıb. Bundan sonra Azərbaycan və Ermənistanın rəhbər şəxsləri sülh imzalanması istiqamətində bir neçə görüşlər həyata keçirib. 

 

Gülnar Nazimqızı