Deputat: Ermənistanda seçkilərin saxtalaşdırıldı

E.Nəsirov bildirib ki, Ermənistanda keçirilən parlament seçkilərinin ilkin nəticələri artıq bəllidir:

"Seçki öncəsi verilən proqnozlar özünü təsdiqlədi. Proqnozların əsas mahiyyəti ondan ibarət idi ki, seçkilər total saxtakarlıqla müşayiət olunacaq, Sarkisyan və onun rəhbəri olduğu hakim Respublika Partiyası heç bir halda seçkilərin obyektiv, ədalətli, demokratik, şəffaf keçirilməsinə imkan verməyəcək”.

E.Nəsirov vurğulayıb ki, o qüvvələr ki, Ermənistanda dəyişikliklərin edilməsinin lehinə mövqe bildirirdilər, Ermənistan-Azərbaycan, Dağlıq Qarabağ münaqişəsinin həlli məsələsində yeni yanaşmanı müdafiə edirdilər, erməni işğalı altında olan Azərbaycan torpaqlarının azad edilməsini Ermənistanın gələcəyinin ən mühüm elementi hesab edirdilər, onlar zorla, seçki saxtakarlığı ilə məğlub edildilər:

"Məlum oldu ki, Ermənistan prezidenti 2008-ci ildə seçki saxtakarlığı yolu ilə hakimiyyətə necə gəlmişdi və ona etiraz edən xalqı güllə baran etmişdi, eyni yanaşma tərzi, eyni məntiq bu seçkilərdə də tətbiq edildi. Hesab edirəm ki, Ermənistanda hadisələr bundan sonra ən mürəkkəb ssenari üzrə inkişaf edə bilər və ölkədə çox ciddi siyasi kataklizimlərin qarşıda olacağını indidən söyləmək mümkündür. Ermənistanda yeni etiraz dalğalarının balşanacağı ehtimalı kifayət qədər böyükdür və bu nöqteyi-nəzərdən Sarkisyanın partiyasının bu seçkilərdəki qələbəsini "taktiki qələbə" kimi qiymətləndirmək olar. Amma strateji baxımdan bu seçkilərin Ermənistanın mövqelərinin daha da zəifləməsinə və ölkədə müxalifətin sıralarının daha da genişlənməsinə gətirib çıxaracaq və biz Ermənistanda daha dərgin siyasi mübarizənin şahidi olacağıq”.