İki ölkə arasında dəmir yolunun çəkilməsi ilə bağlı konkret razılıq əldə olunmadı - PAŞİNYAN

"Dünən Moskvada Azərbaycan və Ermənistan arasında dəmir yolunun açılması məsələsi (bu, sovet dövründə fəaliyyət göstərirdi) üç ölkənin baş nazirinin müavinləri tərəfindən müzakirə olunub. Təəssüf ki, konkret nəticənin olduğunu deyə bilmərəm. Amma mən təsdiq etmək istəyirəm ki, Ermənistan bu layihənin həyata keçirilməsinə hazırdır və maraqlıdır. Bizim təklifimiz qüvvədədir və Ermənistan ən qısa zamanda dəmir yolunun bərpası prosesinə başlamağa hazırdır”, - Paşinyan bildirib.
 
O qeyd edib ki, açılacaq yollar Ermənistan qanunlarına uyğun fəaliyyət göstərməlidir. Avtomobil yollarının açılmasına gəlincə, Paşinyan bir daha bəyan edib ki, Ermənistan tərəfi Azərbaycanın öz eksklavı olan Naxçıvan istiqamətində Azərbaycanla sərhəddə üç keçid məntəqəsi açmağa hazırdır.

www.anews.az