Şarl Mişel - Rusiya Qarabağda əməliyyatlara reaksiya verməyib
03.10.2023 16:52
Avropa Şurasının rəhbəri Çarlz Mişel Rusiyanın Qarabağdakı əməliyyatına heç bir reaksiya vermədiyini iddia edib. Bu barədə Mişel "Euronews"a müsahibəsində deyib.
O bildirib ki, Avropadan fərqli olaraq Rusiyanın buna imkanı olub, çünki sülhməramlı kontingenti regionda olub.
"Vəziyyət aydındır - heç kim görməyə bilməz - Rusiyanın erməni əhalisinə xəyanət etdiyini... Orada heç bir hərbi varlıq yoxdur. Belə olan halda Azərbaycanın üzərinə böyük məsuliyyət düşür. Bakı beynəlxalq ictimaiyyətə Qarabağdakı vəziyyəti izləmək imkanı verməlidir.
Bir neçə gün öncə Qarabağa 30 ildən sonra ilk dəfə BMT missiyası gəlib. Missiya Qarabağdakə əhalinin sosial vəziyyətini və regiondakı prosesləri müşahidə edib.
Qondarma rejim yanvarın 1-dən ləğv olunması ilə bağlı qərar qəbul edib.
Bakı reinteqrasiya ilə bağlı rəsmi sayt yaradıb. Qarabağda yaşamaq istəyən ermənilər saytda qeydiyyatdan keçməklə vətəndaşlıq üçün müraciət edə bilərlər.
Sentyabrın 19-da Azərbaycan Müdafiə Nazirliyi Qarabağda lokal antiterror əməliyyatına başlandığını elan edib.Əməliyyatın məqsədi Qarabağda genişmiqyaslı təxribatların qarşısını almaq, həmçinin Ermənistan ordusunun bölmələrinin tərksilah edilməsi və bölgədən çıxarılması olacaq. Sentyabrın 20-də Bakı və Qarabağ Rusiya sülhməramlılarının köməyi ilə atəşkəs haqqında razılığa gəlinib. Müqaviləyə uyğun olaraq, Qarabağın silahlı birləşmələri buraxılacaq, onun ağır texnikası çıxarılaraq təhvil veriləcək. Bu prosesin həyata keçirilməsinə Rusiya sülhməramlı missiyası nəzarət edəcək.
Gülnar Nazimqızı
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
