Aqalarovlara qarşı cinayət işi açılacaq - Kremlə yaxın mənbələr

Kremlə yaxın mənbələ  avqustun 5-də  2-ci Qərb Dairə Hərbi Məhkəməsinin iclasından sonra “Crocus City Hall”un sahibləri – Aqalarovlar ailəsinə qarşı cinayət işinin başlana biləcəyini bildirib.

İddialara görə, hadisə qurbanları məhkəməyə müraciət edərək səhlənkarlıqdan şikayət ediblər – təhlükəsizlik tədbirlərinin zəifliyi və yoxlamaların seçmə xarakter daşıdığı bildirilir.

Ekspertlərin fikrincə, Rusiya hakimiyyəti məsuliyyəti FSB və Daxili İşlər Nazirliyindən yayındıraraq biznesin üzərinə yönəltməyə və ictimai qəzəbi “uyğun istiqamətə” yönəltməyə çalışır.

Bundan əvvəl məlum olmuşdu ki, Araz Aqalarova qarşı icra icraatı başladılıb — bu, Yekaterinburqda azərbaycanlılara qarşı keçirilmiş reyddən cəmi bir gün əvvəl olub. Həmin reyd nəticəsində iki nəfər həlak olub.

Son məlumatlara görə, Araz Aqalarov hazırda Bakıda yerləşir. Onun oğlu, Azərbaycanın xalq artisti Emin Aqalarov bir neçə gün öncə Instagram-da Sea Breeze-dən fotolar paylaşıb.

N.Təbrizli