Zəngilanı bölgənin nəqliyyat mərkəzlərindən birinə çevirəcəyik - Prezident

Zəngilan nəqliyyat dəhlizinin üzərində yerləşir və şəhər gələcəkdə Azərbaycanın, eləcə də regionun əsas nəqliyyat mərkəzlərindən birinə çevriləcək. Bu barədə dövlət başçısı Zəngilan şəhərində sakinlərlə görüşdə bildirib.

İlham Əliyev qeyd edib ki, Zəngilana qədər dəmir yolu xəttinin tikintisi davam edir və yaxın perspektivdə Bakıdan şəhərə birbaşa qatarla səfər mümkün olacaq.

“Bəlkə də bir il, ilyarım bundan sonra Bakıdan Zəngilana dəmir yolu ilə gəlmək mümkün olacaq. Necə ki, bu gün Ağdama dəmir yolu ilə gedirlər. Gələn il Xankəndiyə dəmir yolu ilə gedəcəklər”, - deyə Prezident bildirib.

Onun sözlərinə görə, həmin dəmir yolu xətti gələcəkdə Zəngəzur dəhlizi vasitəsilə Naxçıvana qədər uzadılacaq.