Ermənistanın ədliyyə naziri türkləri təhqir etdi

ANN.Az erməni mediasına istinadən xəbər verir ki, Ermənistanın yeni seçilmiş ədliyyə naziri Arpine Ovanisyan irqçilikdə ittiham olunub.

Belə ki, 2 sentyabr tarixində Ovanisyan öz şəxsi "Facebook" hesabında Azərbaycanla bağlı verdiyi müsahibəsini paylaşıb. İstifadəçilərdən biri, Ovanes Qalacyan isə "Hansı insan haqlarından söhbət gedir, əgər bioloji olaraq türk insan sayıla bilməz?" şərhini yazıb.

Ermənistanın ədliyyə naziri isə bu fikrə dəstək olduğunu ifadə edib. Məhz bundan sonra sosial mediada "Ermənistanın yeni təyin olunmuş ədliyyə naziri irqçidir" fikri yayılıb.

Arpine Ovanisyan sentyabr ayından etibarən Ermənistanın Ədliyyə naziri vəzifəsinə təyin olunub. İravən Dövlət Universitetində hüquq təhsili alıb, magistr və doktorluq dərəcələri var. Ovanisyan subaydır.