6 yaşlı qız prezidentə evlərini dəyişməyi təklif etdi

ANN.Az "Yle" informasiya agentliyinə istinadən xəbər verir ki, Finlandiyada 6 yaşlı Laura Honkaniyemi nağıllardakı kimi yaşamaq istədiyi üçün ölkə prezidentinə məktub yazaraq, 3 otaqlı evi ilə iqamətgahı dəyişməyi təklif edib.

Maraqlı olsa da, Laura prezidentdən cavab məktubu alıb.

"Biz sevindik ki, prezident şəxsən məktuba cavab verib. Biz yalnız rəsmi açıqçanın gələcəyini gözləyirdik", - deyə Lauranın atası bildirib.

Prezident məktubda qeyd edib ki, bu cür addım atmağa kifayət qədər səlahiyyətlərə sahib deyil, çünki iqamətgahda müvəqqəti qalır.