Genişmiqyaslı müharibə başladı: 450 raket buraxıldı

Qəzza zolağından İsrail istiqamətində 450-dən çox raket buraxılıb

İsrailin Baş naziri Binyamin Netanyahu bildirib ki, orduya Qəzza sektorundan ölkəni raket atəşinə tutan silahlılara kütləvi hücum etmək əmrini verib.

"Bu gün səhər mən İsrailin Müdafiəsi Ordusuna Qəzza sektorundakı terror elementlərinə qarşı kütləvi hücumları davam etdirmək əmrini verdim", - deyə Netanyahu bildirib. O, qeyd edib ki, Qəzza ilə sərhəddə yerləşdirilmiş qoşunları gücləndirmək barədə göstəriş verib.

İstiPress-in məlumatına görə, sutka ərzində Qəzza zolağından İsrail istiqamətində 450-dən çox raket buraxılıb. Buna cavab olaraq İsrail ordusu fələstinlilərin 220 hərbi obyektinə zərbə endirib. İsrail ordusunun rəsmi nümayəndəsi Conatan Konrikus bildirib ki, Qəzza zolağından atılan raketlərdən 150-si "Dəmir gümbəz” hava hücumundan müdafiə sistemi vasitəsi ilə məhv edilib, raketlərin 70 faizi yaşayış olmayan ərazilərə düşüb. Konrikus əlavə edib ki, raket hücumu nəticəsində bir yaşlı kişi ölüb.

Cavab hücumu nəticəsində İsrail ordusu HƏMAS və "Fələstin islam cihadı”nın istifadə etdiyi binalara, müəssisə və anbarlara zərbə endirib. Nəticədə 8 fələstinli döyüşçü öldürülüb.

www.anews.az