Ban Ki-moon Moskvaya parada gedir

BMT-nin baş katibi Ban Ki-moon həftəsonu Moskvaya gedəcək və Qələbə Günü paradına qatılacaq. Məlumatı BMT təsdiqləyib.

BMT-nin sözçüsü Stephane Dujarric mayın 4-də jurnalistlərə deyib ki, Ban-ın Moskva görüşləri hələlik təsdiqlənməyib. Ban nasist Almaniyası üzərində sovet qələbəsinin 70 illiyi tədbirlərində iştirak edəcək.

Şimali Koreya Moskvaya Ali Xalq Məclisinin sədri Kim Yong Nam-ə göndərir, ölkə lideri Kim Jong Un Rusiyaya getmir.

Ban səfər müddətində Ukraynaya da baş çəkəcək, prezident Petro Poroshenko ilə görüşəcək.

Ukrayna xarici işlər naziri ötən həftə Ban-ın Rusiyaya getmək ideyasını tənqid edib. /azadliq.org