Bakıda
VI Avropa Film Festivalının açılışı olub. Tədbir Avropa İttifaqının
Azərbaycandakı nümayəndəliyi və Avropa İttifaqı
ölkələrinin Azərbaycanda
akkreditasiyadan keçən səfirlikləri tərəfindən təşkil olunub. Festivalın
açılışı münasibətilə oktyabrın 29-da Park Cinema kinoteatrında Avropa İttifaqı nümayəndəliyinin rəhbəri, səfir Malena Mard və
Avropa İttifaqı ölkələri səfirlərinin
mətbuat konfransı keçirilib.
Festivalda
Azərbaycan, Avstriya, Belçika, Horvatiya, Çexiya, Estoniya, Finlandiya, Fransa,
Almaniya, Yunanıstan, Macarıstan, İtaliya, Latviya, Litva, Portuqaliya,
Rumıniya, İspaniya, İsveç və Böyük Britaniya filmləri nümayiş etdiriləcək. Festival
Belçikanın "Turkuaz" filmin nümayişi ilə açıq elan olundu.
Festival
çərçivəsində filmlər Park Cinema şəbəkəsinin üç kinoteatrında - Flame
Tower, Park Bulvar və Metroparkda göstəriləcək. Filmlərin bir hissəsi Nizami
kinoteatrında da nümayiş etdiriləcək. Bütün seanslara biletlər pulsuz olacaq və
onları kinoteatrların kassalarından almaq olar. Avropa İttifaqı nümayəndəliyi ən yaxşı film üçün müsabiqə elan
edir. Müsabiqə haqda ətraflı məlumatı nümayəndəliyin Facebook səhifəsində
əldə etmək olar. Festival noyabr ayının 6-da başa çatacaq.
Aynur Əlisoy
Rusif Hüseynov
www.ann.az
Bizi sosial şəbəkələrdə izləyin !