"Azərbaijan Steel Company” şirkəti mənim borcumu ödəmir - Müşfiq Həmidov - ŞİKAYƏT
05.05.2023 13:47
"Azərbaijan Steel Company” Şirkətində fəaliyyət göstərən Müşfiq Həmidov həmin şirkətdən sığorta pulu və əməkhaqqını ala bilməməsindən narazılıq edir. Bu barədə şikayətçi anews.az-a müraciət edərək bildirib.
Müşfiq Həmidov deyir ki, işlədiyi şirkətdə xəsarət alaraq ömürlük əmək qabiliyyətini itirib.
""Azərbaijan Steel
Company”Şirkətində usta kimi çalışdığıma baxmayaraq mənim əmək kitabçama "usta
köməkçisi” vəzifəsində çalışdığımı qeyd ediblər. Şirkətdə işlədiyim zaman yıxılmam və qolum sınıb. Bu hadisə baş verəndən qısa vaxt sonra mən şirkətə gedib işlədiyim
vaxtın əməhaqqısını istədim. Onlar isə mənə kassa da pul yoxdur deyib, pulumu
vermədilər. Dəfələrlə şirkətə gedib pulumu istəmişəm. Müdriyyət hər dəfə mənə
deyir ki, "biz sənə heçnə vermirik, get hara istəyirsən şikayət et”. Mənim
sığortamı, əməkhaqqımı, nədə təzminatımı vermədilər", - şikayətçi söyləyib.
Həmidov bununla bağlı məhkəməyə üz tutduğunu söyləyib.
"Nizami Rayon Məhkəməsinə
müraciət etdim. Məhkəmənin qərarı ilə mənə 366 manat pul kəsdilər. Mən
bununla razılaşmadım. Bundan sonra Apellyasiya Məhkəməsinə müraciət etdim. Ordan
məni ekspertə, daha sonra isə Əmək Müfəttişliyinə göndərdilər. Sonra Apellyasiya
Məhkəməsinin hakimi məni çağırdı. Hakim mənə deyir ki, "görürəm sən çox əziyyət
çəkmisən, şirkət sənə 6 mindən artıq ödəniş edə bilmir. Gəl min manat da mən sənə
cibimdən verim, səndə şirkətdən şikayətçi olma”. Mən razı olmadım. May ayının 2-də Bakı Apellyasiya
məhkəməsi oldu. Hakim qərar verdi ki, işə bərpa ləğv olunsun və 3 min manat ödəniş
edilsin. Mən yenə də bu qərarla razı deyiləm. Bunlar mənim əməkhaqqımı 200
manatdan hesablayırlar, halbuki mən işləyərkən minimum aldığım maaş 1500 manat
olub. İş şəraitim həddindən artıq çox ağır və təhlükəli iş idi. Tələbim
odur ki, mənim təqaüdüm təmin olunsun və sığortam ödənsin”, - şikayətçi bildirib.
Məsələ ilə bağlı "Azərbaijan
Stell Company” şirkəti ilə əlaqə saxladıq. Şirkətdən bildirildi ki, məsələyə ilə bağlı rəhbər şəxsə məlumat verildikdən sonra açıqlama verilə bilər. Lakin heç bir açıqlama üçün zəng olunmadı.
Şirkətin mövqeyi olduğu halda yayımlamağa hazırıq.
www.anews.az
Youtube
Bizi Youtube-da izləyin
Foto
Video
