Ağdamda 12 kəndin inşası nəzərdə tutulur- Bəşir Hacıyev
05.05.2023 17:58
Ağdamda 5 yaşayış məhəlləsinin və 12 kəndin inşası nəzərdə tutulur. Bunu Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Prezidentin xüsusi nümayəndəsinin müavini Bəşir Hacıyev bildirib.
"Ağdamda 5 yaşayış məhəlləsinin və 12 kəndin inşası nəzərdə tutulur. Prezidentin mayın 2-də Ağdama səfəri zamanı 2 və 3-cü yaşayış məhəllələrinin təməli qoyulub. Onların inşasının 2025-ci ilin sonuna qədər yekunlaşdırılması nəzərdə tutulur. 2-ci yaşayış məhəlləsi 13,31 hektar ərazidə yerləşəcək, tikinti sahəsi 39 172 kvadratmetrdir. 3-cü yaşayış məhəlləsi isə 16,93 hektar ərazidə yerləşəcək. Burada 1 239 mənzilin tikintisi nəzərdə tutulub. Mənzillər 1,2,3,4 otaqlı olacaq",- Bəşir Hacıyev bildirib.
Prezident İlham Əliyev 2021-ci ilin mayında Ağdamın Baş Planını təsdiq etdikdən sonra burada bir sıra layihələrin təməli qoyulub və bərpa-tikinti işlərinə start verilib.
İşğaldan azad edilmiş ərazilərə ilk köç Zəngilan rayonunun Ağalı kəndinə baş tutub.
Ağdam 2020-ci ildə işğaldan azad olunub.
Sahəsi 1150 kvadrat km olan rayonun relyefi əsasən düzənlik, qismən dağlıqdır. Ermənilər Ağdam rayonu ərazisinin 846,7 kvadrat kilometrini, yəni ümumi ərazisinin 77,4 faizini işğal etməyə nail olublar.
Rayonun 202 200 nəfər əhalisi var. Hazırda məcburi köçkün həyatı yaşayan əhali respublikanın müxtəlif şəhər və rayonlarında məskunlaşıb.
İşğaldan əvvəl Ağdamda 54 tibb müəssisəsi, 79 mədəniyyət ocağı fəaliyyət göstərib.
2008-ci ildə "Lonely Planet” jurnalı Ağdamı "Qafqaz Hiroşiması” adlandırıb. 2010-cu ildə "Əl-Cəzirə” Ağdamı "ruhlar şəhəri” siyahısına salıb.
Aytac Zeynalova
Ağdam 2020-ci ildə işğaldan azad olunub.
Sahəsi 1150 kvadrat km olan rayonun relyefi əsasən düzənlik, qismən dağlıqdır. Ermənilər Ağdam rayonu ərazisinin 846,7 kvadrat kilometrini, yəni ümumi ərazisinin 77,4 faizini işğal etməyə nail olublar.
Rayonun 202 200 nəfər əhalisi var. Hazırda məcburi köçkün həyatı yaşayan əhali respublikanın müxtəlif şəhər və rayonlarında məskunlaşıb.
İşğaldan əvvəl Ağdamda 54 tibb müəssisəsi, 79 mədəniyyət ocağı fəaliyyət göstərib.
2008-ci ildə "Lonely Planet” jurnalı Ağdamı "Qafqaz Hiroşiması” adlandırıb. 2010-cu ildə "Əl-Cəzirə” Ağdamı "ruhlar şəhəri” siyahısına salıb.
Aytac Zeynalova
www.anews.az
Instagram
Bizi Instagramda izləyin
Foto
Video
