"Xəzər” televiziyası 01 fevral 2019-cu ildə canlı yayımlanmış "Xəzər səhər” verilişində aparıcı İlhamiyyə Rzanın ilaxır çərşənbələrlə bağlı verdiyi məlumat zamanı yaranan "26 fevral” anlaşmazlığına aydınlıq gətirib.
Orman.Az xəbər verir ki, televiziyadan xanım aparıcının proqramın irəliləyən dəqiqələrində məsələyə aydınlıq gətirdiyi qeyd olunub.
Beləki İlhamiyyə Rza proqramın saat 08:25-ci dəqiqəsində yayımlanan hissəsində qeyd olunan mövzu üzrə çıxışı zamanı ilk ilaxır çərşənbə olan "Su çərşənbəsi”nin fevral ayının 26-a təsadüf etdiyini deyir. Lakin çıxışın ardınca həmin günün "Xocalı faciəsi” ilə eyni günə düşdüyünü qeyd etmir:
"Tamaşaçılara sevincək olaraq deyirəm ki, hazırlaşın, düz 25 gündən sonra fevralın 26-da ilk çərşənbəni qeyd edəcəyik. "Su çərşənbəsi” olacaq. İndidən hazırlaşın. Vaxtı tələsdirin, vaxtı tezləşdirin”.
"Xəzər səhər” verilişinin baş redaktoru Turan Babayev Orman.Az-a açıqlamasında qeyd edib ki, verilişin irəliləyən dəqiqələrində aprıcı mövzuya yenidən qayıdıb və "Su çərşənbəsi”nin "Xocalı faciəsi” ilə eyni günə təsadüf etdiyini qeyd edib. Baş redaktor "Orman.Az”-ın konteksdən çıxarış etdiyini vurğulayaraq verilişin ümumi gedişatını sərgiləməməkdə qınayıb.
Orman.Az saytı olaraq "Xəzər səhər” verilişinin irəliləyən dəqiqələrində – yəni, aparıcının yol verdiyi anlaşmazlıqdan 30 dəqiqə sonra eyni mövzuya qayıdaraq məsələyə aydınlıq gətirdiyini diqqətə çatdırmaq istəyirik. Televiziyada canlı efir həyəcanını nəzərə alaraq bu ani unutqanlığın qabardılmasının tərəfdarı deyilik.
Sonda bütün həmkarlarımızı – xüsusən də canlı yayım zamanı – diqqətli olmağa çağırıraraq "Xəzər səhər” proqramının irəliləyən dəqiqələrində aprıcının məsələyə aydınlıq gətirdiyi anı təqdim edirik:
www.anews.az
Bizi sosial şəbəkələrdə izləyin !
